Heimahjúkrun

Heimahjúkrun er heimahjúkrunarþjónusta sem veitt er á vegum heilsugæslustöðva fyrir þá einstaklinga sem hennar þarfnast sbr. 12. gr. reglugerðar um heilsugæslustöðvar nr. 787/2007.


Markmiðið með heimahjúkrun er að gera sjúklingum kleift að búa sem lengst á eigin heimili þrátt fyrir veikindi, heilsubrest eða skerta færni.

Heimahjúkrun er fyrir einstaklinga á öllum aldri sem búa í heimahúsum og eru í þörf fyrir einstaklingshæfða og markvissa hjúkrun til að geta lifað sem eðlilegustu lífi.

Beiðni/umsókn um heimahjúkrun verður að berast skriflega frá heilbrigðisstarfsfólki (heimilislækni, læknum eða hjúkrunarfræðingum stofnana). í gegnum sögukerfið, notast skal við eyðublaðið TILVÍSUN í sögu. Mikilvægt er að greina tilefni umsóknar, sjúkdómsgreiningar og þörf fyrir hjúkrun. .

Yfirhjúkrunarfræðingur eða teymisstjórar heimahjúkrunar taka á móti umsóknum í gegnum sögukerfið, gott er að láta vita af umsókn með tölvupósti heimahjukrun.ak@hsn.is

Þjónustan er tímabundin og veitt á meðan þörf er á faglegri hjúkrunarþjónustu. Þjónustan er að mestu veitt á dagvinnutíma virka daga en einnig á öðrum tímum þar sem þörfin er brýn.

Þjónusturammi heimahjúkrunar

Yfirhjúkrunarfræðingur heimahjúkrunar Inga Dagný Eydal (í leyfi )

Verkefnastjórar heimahjúkrunar eru Bergþóra Stefánsdóttir, Elín Baldursdóttir, Írís Björk Gunnlaugsdóttir og Vera Dögg Snorradóttir

Símatími er á milli kl. 11:00-12:00 alla virka daga í síma:  í síma heimahjúkrunar 461 2492

Heimahjúkrun starfar í smavinnu við heimaþjónustu Akureyrarbæjar, og skipuleggur dagleg störf í samvinnu við starfsfólk hennar. Heimahjúkrun er byggð á fyrirfram skipulögðum vitjunum og er ekki fært að koma í vitjun fyrirvaralaust né að dvelja hjá eða vaka yfir sjúklingum. Hjúkrunarfræðingur eða sérhæfður sjúkraliði kemur í fyrstu vitjun og metur hjúkrunarþörfina. Starfsfólk heimahjúkrunar annast alla þá hjúkrun, líkamlega sem andlega, sem við á og hægt er að veita við þær aðstæður sem heimili býður upp á. Heimahjúkrun er veitt án endurgjalds.