Læknisþjónusta

Við heilsugæslustöðina eru starfandi 8 sérfræðingar í heimilislæknum og auk þeirra eru námslæknar í heimilislækningum og mest allt árið læknakandidatar. En þeir eru 3-6 mánuði á heilsugæslu á lokaárinu til að ljúka námi í læknisfræðum.

Heimilislæknar hafa viðtalstíma sem eru 15 mín. hver. Tímapöntun fer fram í síma 460 4600. Ef erindi eru bráðaðkallandi og ekki er hægt að bíða eftir tíma hjá lækni  þá er bráðadagvakt alla daga á 3. og 6. hæð kl. 15.  Ekki er hægt að bóka í bráðadagvakt en byrjað er að skrá sjúklinga um kl. 14:30.  Gert er ráð fyrir bráðum erindum á bráðadagvakt sem taka stuttan tíma (5 mín),  vottorð eru ekki afgreidd á bráðadagvakt.

Heimilislæknar taka þátt í heilsuvernd, s.s. mæðravernd, ungbarnavernd og heilsuvernd í skólum.

Símatímar eru daglega og eru ætlaðir fyrir fljótafgreidd erindi, sjá hér 

Bráðamóttaka vakthafandi heimilislækna á slysadeild FSA

Heimilislæknar sinna utan dagvinnutíma vaktþjónustu og taka á móti bráðveikum á slysadeild FSA kl. 17-21 virka daga og kl. 10-12 og 14-16 á frídögum. Vaktlæknar sinna  bráðum útköllum og vitjunum á sama tíma.

Bráðaerindi á dagvinnutíma eru afgreidd í síma 460 4600 og þá af viðkomandi heimilislækni/vaktlækni

Vaktsími er 1700 fyrir bráðaerindi og svarar 112 eftir kl 16 og kemur erindum áfram til vaktlæknis eftir þörfum.

Á nóttunni svara hjúkrunarfræðingar slysadeildar í vaktsíma og gefa símtöl áfram til vaktlæknis eftir þörfum.

 

Skráning á heilsugæslustöð

Í þeim tilvikum þegar ekki er hægt að bjóða fólki fastan heimilislækni gefst fólki kostur á að skrá sig formlega á heilsugæslustöðina. Þeim einstaklingum gefst kostur á að bóka tíma hjá hvaða lækni sem þeir kjósa sér og sækja alla þjónustu sem heilsugæslan hefur upp á að bjóða.

Við skráningu á heilsugæslustöðina þarf umsækjandi að koma á 3. eða 6. hæð  og undirrita heimild um flutning sjúkraskrárgagna.

Fylla þarf út og undirrita umsóknareyðublað, sem má fá í afgreiðslunni á 3. hæð

Útfylltar umsóknir skal afhenda á heilsugæslustöðinni

Skráning á heimilislækni

Æskilegast er að fjölskyldur og einstaklingar hafi ákveðinn heimilislæki, sem hefur yfirsýn og umsjón með þeirra málum. Þær fjölskyldur og einstaklingar á upptökusvæði HAK, sem ekki hafa fastan heimilislækni, geta skráð sig hjá ákveðnum heimilislæknum, svo fremi sem einhver læknir hafi laus pláss fyrir nýja skjólstæðinga. Fylla þarf út og undirrita umsóknareyðublað, sem má fá í afgreiðslunni á 3. hæð eða fylla út rafrænt eyðublað og senda inn.

Útfylltar umsóknir skal afhenda á heilsugæslustöðina.