Sjúkradeild

Við innlögn á deild

Við innlögn á HSN Blönduósi biðjum við sjúklinga að hafa með sér:   

    -Snyrtivörur s.s. tannbursta, tannkrem, greiðu og rakvél

    -Góða inniskó sem styðja vel við fætur

    -Náttslopp.

    -Hjálpartæki s.s. heyrnartæki og gleraugu

    -Hjálpartæki s.s. staf, göngugrind, hjólastól

    -Léttan fatnað sem þægilegt er að klæðast

 

Lyf

Á meðan sjúklingur er á sjúkrahúsinu á hann aðeins að nota lyf í samráði við lækna deildarinnar.  Lyf og lyfjakort skal því afhenda lækni eða hjúkrunarfræðingi sem hann fær síðan aftur við brottför svo og ráðleggingar um áframhaldandi meðferð.  Æskilegt er að þeir sem eru með lyfjaskömmtun og á föstum lyfjum komi með sín lyf að heiman.

 

Annað

Ekki er tekin ábyrgð á persónulegum munum sjúklinga sem geymdir eru á sjúkrastofum. Við viljum benda þér á að fá verðmæti geymd í læstum skáp á vaktherbergi.

 

Matur

Sjúklingar fá að velja vissar fæðutegundir í morgunverð og kvöldverð í samráði við hjúkrunarfræðing. Hafi fólk sérstakar óskir er reynt að verða við þeim.
Á dvalardeild og deild 2 matast heimilisfólk í borðstofu á 3. hæð.
Matartímar:
Morgunmatur 9:00-9:30
Hádegismatur 12:00-12:30
Miðdagskaffi 15:00 -15:30
Kvöldmatur 18:00-18:30
Kvöldkaffi 20:00-20:30
Ísskápur er staðsettur á milligangi 3.hæðar þar sem hægt er að geyma drykki og millimál. Gossjálfsali er í kjallara.

 

Heimsóknir

Heimsóknartími til sjúklinga og heimilisfólks HSN, Blönduósi er frjáls. Húsið er opið frá kl. 08:00 til 21:00. Eftir það er svarað í dyrasíma. Vinsamlegast hafið samt samráð við hjúkrunarfræðing á vakt ef um er að ræða mjög veika einstaklinga sem á að heimsækja.

 

 Sími - internet

Skiptiborð er opið alla virka daga frá kl. 8-16, sími 455-4100.
Eftir lokun skiptiborðs er hægt að hringja í eftirtalin númer.

  • Sjúkradeild 1 s: 455-4140
  • Sjúkradeild 2: 455-4145
  • Sjúklingasími: 455-4144     

Heimilt er að nota farsíma og hægt er að tengjast þrálausu Wi-fi neti

Vistmenn sem dvelja á ákveðnum stöðum á stofnuninni geta fengið einkasímalínur m.a. til tölvutenginga.

 

Reykingar

Eru bannaðar innan dyra og á lóð stofnunarinnar. Sjúklingum sem reykja er vinsamlegast bent á að æskilegt er að draga sem mest úr reykingum og þeim boðin hjálparmeðöl á meðan á dvöl stendur.
Vistmönnum og sjúklingum er heimilt að reykja í stigahúsi við svalir á 4. hæð dvalardeildar.

 

Bankaþjónusta

Starfsfólk Arion banka kemur fyrstu dagana í hverjum mánuði, er auglýst hverju sinni.

 

Kapella

Í kjallara er kapella. Þangað geta sjúklinga og aðstandendur leitað.
Vinsamlegast talið við hjúkrunarfræðing ef þið óskið eftir aðstoð við að ná í prest.
Í kapellunni fara fram athafnir s.s. kistulagningar.

 

Félagsstörf

Bóthildur Halldórsdóttir sér um félagsstarf, m.a. upplestur, bingó, myndbandssýningar og ýmsar aðrar uppákomur.

 

Sjúkraþjálfun

Angela Berthold sjúkraþjálfari sinnir sjúkraþjálfun á deildinni.

 

Þvottur                                                                                                                                          

Þvottahús er starfrækt innan stofnunarinnar. Þar er allt lín þvegið svo og einkaþvottur vistmanna.

 

Útskrift

Útskriftaráætlun er gerð, farið yfir lyf og lyfjakort. Við útskrift er farið yfir lyf og lyfjakort sjúklinga og athugað er hvort viðkomandi þurfi heimahjúkrun eða heimaþjónustu að halda í samráði við sjúkling og aðstandendur.

 

Fjölskyldufundir                                                                                                                   

Hægt er að fá fjölskyldufund ef þess er óskað. Metið er hverju sinni hvaða starfstéttir sitja hann.

Vinsamlegast hafið í huga að virða þagnarskyldu. Vinsamlegast ræðið ekki um sjúkdóma og meðferð annarra og munið að starfsfólk hefur skrifað undir þagnarskyldu.