Ung- og smábarnavernd

 Ung og smábarnavernd

Í ung- og smábarnavernd er lögð áhersla á stuðning við fjölskylduna og þannig stuðlað að því að börnum séu búin bestu mögulegu uppvaxtarskilyrði á hverjum tíma.

Foreldrum nýfæddra barna er boðið upp á heimavitjanir fyrstu vikurnar og að koma síðan í kjölfarið á heilsugæslustöðina með barnið í skoðanir. Í heimavitjunum skoðar hjúkrunarfræðingur eða ljósmóðir barnið, metur þroska þess, þyngd og höfuðummál. Foreldrar fá ráðgjöf og fræðslu varðandi ummönnun barnsins og eigin líðan

Þegar barnið er sex vikna gamalt er læknisskoðun á heilsugæslustöð og við 3ja mánaða aldur hefjast bólusetningar. Hefðbundnar bólusetningar eru framkvæmdar samkvæmt fyrirmælum sóttvarnalæknis hjá Landlæknisembættinu. Foreldrum er ávallt velkomið að hafa samband við hjúkrunarfræðinga í ung- og smábarnavernd umfram þessar skipulögðu skoðanir.

Í öllum ungbarnaskoðunum eru börnin vigtuð og lengdarmæld.

Fastar skoðanir og bólusetningar:
  • 6 vikna:   Hjúkrunarfræðingur og læknir. Þroskamat
  • 9 vikna:   Hjúkrunarfræðingur.
  • 3 mánaða:   Hjúkrunarfræðingur og læknir. Þroskamat.   Tvær sprautur;  1) barnaveiki,kíghósti,stífkrampi, hib, mænusótt og 2)  pneumókokkar
  • 5 mánaða:   Hjúkrunarfræðingur. Tvær sprautur 1) barnaveiki, kíghósti, stífkrampi, hib, mænusótt og 2)  pneumókokkar.
  • 6 mánaða:   Hjúkrunarfræðingur. Þroskamat.  Sprauta/ heilahimnubólga C.
  • 8 mánaða:   Hjúkrunarfræðingur.  Sprauta/ Heilahimnubólga C.
  • 10 mánaða:   Hjúkrunarfræðingur og læknir. Þroskamat.
  • 12 mánaða:   Hjúkrunarfræðingur.  Þrjár sprautur 1) barnaveiki, kíghósti, stífkrampi, hib, mænusótt, 2) pneumókokkar og 3) hlaupabóla.
  • 18 mánaða:   Hjúkrunarfræðingur og læknir.  Þroskamat. Tvær sprautur 1) rauðir hundar, mislingar, hettusótt og 2) hlaupabóla.
  • 2 ½ árs:   Hjúkrunarfræðingur. Þroskamat, málþroski, fín- og grófhreyfiþroski.
  • 4 ára:   Hjúkrunarfræðingur.  Þroskamat, fín- og grófhreyfiþroski, sjónmæling.  Sprauta/barnaveiki, stífkrampi, kíghósti.

 

2 ½ árs og 4 ára skoðanir.

Við viljum minna foreldra á mikilvægi þess að mæta með börnin í 2 ½ árs og 4 ára skoðanir. Upplýsingar og tímapantanir eru hjá Ásu ritara í síma 432-4605 milli kl. 08.15-10.00 virka daga.

Vinsamlegast hafið meðferðis í ungbarnaverndina útfyllt eyðublað um barnið frá leikskólakennara.

2 ½ árs eyðublað

4 ára eyðublað

10.02.2021

Bóluefni gegn hlaupabólu er komið í hús.

Hægt er að panta tíma í bólusetningu hjá ritara í síma 432-4505 kl.8.15-10.00.

Deildarstýra er Hrafnhildur Ævarsdóttir

Starfsfólk:

Árdís Elfa Ragnarsdóttir Hjúkrunarfræðingur ardis.elfa.ragnarsdottir@hsn.is
Ásrún Ösp Jónsdóttir Hjúkrunarfræðingur/ljósmóðir asrun.osp.jonsdottir@hsn.is
Hrafnhildur Guðmundsdóttir Hjúkrunarfræðingur hrafnhildur.gudmundsdottir@hsn.is
Hrafnhildur Ævarsdóttir Hjúkrunarfræðingur/ljósmóðir hrafnhildur.aevarsdottir@hsn.is
Halla Hersteinsdóttir Hjúkrunarfræðingur/ljósmóðir halla.hersteinsdottir@hsn.is
Guðrún Ása Viðarsdóttir Ritari gudrun.asa.vidarsdottir@hsn.is
     

   

Heyrnarmælingar nýbura á Akureyri

Heyrnar- og talmeinastöð Íslands sér um heyrnarmælingu á  nýburum ef þau hafa ekki verið heyrnarmæld á fæðingadeildinni. Tímapantanir eru í síma 581-3855, gott er að láta vita að þið viljið fá tíma á Akureyri. Allir foreldrar eru hvattir til að koma með börnin sín í mælingu, þeim að kostnaðarlausu.