Krabbameinsskimun kvenna

Skimun fyrir brjóstakrabbameini

Landspítala var falin framkvæmd skimana fyrir krabbameini í brjóstum frá 1. janúar 2021 í samvinnu við Sjúkrahúsið á Akureyri. Fer þjónustan fram á SAK og er gengið er inn um slysadeildarinngang.

Skimun fyrir leghálskrabbameini 

Heilsugæslunni var falin framkvæmd skimunar fyrir krabbameini í leghálsi. Fer hún fram á heilsugæslustöðinni á Akureyri frá og með 1. janúar 2021.

Ljósmæður og hjúkrunarfræðingar, sem hafa hlotið sérstaka þjálfun, munu taka leghálssýni á öllum heilsugæslustöðvunum á landinu með sama hætti og ljósmæður og hjúkrunarfræðingar hafa gert á heilsugæslustöðvunum á landsbyggðinni frá árinu 2015. 

Heilsugæslan mun í samvinnu við kvennadeild Landspítala og kvennadeild Sjúkrahússins á Akureyri sinna og fylgja eftir konum sem þurfa nánari greiningu og eftirlit vegna ákveðinna frumubreytinga í leghálsi. 

Konur með einkenni frá brjóstum og kvenlíffærum

Konum með einkenni frá brjóstum og kvenlíffærum er ráðlagt að leita til læknis. 
Skimun fyrir krabbameini í brjóstum og leghálsi er forvörn sem býðst einkennalausum konum.  

Boð í skimun

Öllum konum á Íslandi verður boðin skimun fyrir krabbameini í brjóstum og leghálsi í samræmi við skimunarleiðbeiningar Embættis landlæknis. Konur sem eru 40 ára og eldri fá boð í skimun fyrir brjóstakrabbameini að jafnaði á tveggja ára fresti. Konur yngri en 30 ára fá boð í skimun fyrir leghálskrabbameini á þriggja ára fresti en konum sem eru eldri en 30 ára fá boð að jafnaði á fimm ára fresti. 

Panta tíma í skimun fyrir brjóstakrabbameini 

Konur geta pantað tíma í skimun fyrir brjóstakrabbameini þegar boðsbréf berst, hjá Samhæfingarstöð krabbameinsskimana í síma 513-6700 milli kl. 8:30 og 12:00 alla virka daga  eða með því að senda tölvupóst á krabbameinsskimun@heilsugaeslan.is.

Í framtíðinni er stefnt að því að allar konur geti bókað eða breytt tíma á Heilsuvera.is. 

Panta tíma í skimun fyrir leghálskrabbameini 

Konur jafnt á höfuðborgarsvæðinu sem landsbyggðinni geta pantað tíma í skimun fyrir leghálskrabbameini á Heilsuvera.is eða með símtali við sína heilsugæslustöð. 

Hér á Akureyri fer tímapöntun fara fram í síma 432-4600 milli kl: 8:00 og 16:00. 

Nánari upplýsingar

Allar nánari upplýsingar er að finna hjá Samhæfingarstöð krabbameinsskimana í síma 513-6700.