Öllum 16 ára og eldri býðst örvunarskammtur þegar að lágmarki eru 5-6 mánuðir liðnir frá grunnbólusetningu. Bólusettir einstaklingar 70 ára og eldri geta fengið örvunarskammt þegar 3 mánuðir hafa liðið frá grunnbólusetningu. Bólusett verður með bóluefni frá Pfizer, óháð því bóluefni sem notað var við grunnbólusetningu. Munið að 14 dagar þurfa að líða milli inflúensubólusetningar og bólusetningar gegn COVID-19. Þau sem eru búin með grunnbólusetningu og hafa fengið Covid eiga að bíða þangað til frekari fyrirmæli berast.

Þeir sem óska eftir bólusetningu í Norður-Þingeyjarsýslu verða að hafa samband við sína heilsugæslustöð og panta tíma í síma 4640600, 4640620 eða 4640640.

Vegna mikils fjölda í sóttkví vegna Covid-19 í Norður-Þingeyjarsýslu, verða teknar sýnatökur á Kópaskeri 21.11.2021 og á Húsavík dagana 20-21.11.2021.

Í gær var tekin fyrsta skóflustungan að nýju og glæsilegu hjúkrunarheimili á Húsavík. Það gerði Aldey Unnar Traustadóttir forseti sveitarstjórnar Norðurþings, hjúkrunarfræðingur hjá HSN og notaði hún til verksins beltagröfu.

Næsti bólusetningardagur á HSN Blönduósi verður miðvikudaginn 17. nóvember 2021.