Lyfjaendurnýjanir

Hvernig er hægt að endurnýja föst lyf ? 

  • Í símatímum við hjúkrunarfræðinga á heilsugæslustöðvum HSN, sjá hér neðar.

Rafræn endurnýjun lyfseðla er gerð í gegnum Heilsuvera.is en það er vefsvæði þar sem notandi getur átt í samskiptum við heilbrigðisþjónustuna, m.a. endurnýjað lyf og bókað tíma hjá heilsugæslulækni. Til innskráningar þarf rafræn skilríki. 
Sjá nánar:  Heilsuvera - mínar heilbrigðisupplýsingar á vef Landlæknis. 

Athugið eftirfarandi: 

  • Lyfjaendurnýjun í síma á aðeins við um FÖST lyf. 

  • Eftirritunarskyld lyf eins og sterk verkjalyf  má eingöngu endurnýja einn mánaðarskammt í einu og þarf  að koma á stöð í eftirlit amk. 1 x  í mánuði vegna þessa. 
    Markmiðið verður að draga úr þeirri lyfjanotkun eins og hægt er. 

  • Róandi- eða svefnlyf, má eingöngu endurnýja einn mánaðarskammt í einu og mest þrisvar sinnum.  
    Eftir það er nauðsynlegt að koma á stofu til læknis ef þörf er á áframhaldandi meðferð. 

  • Allir sem nota lyf að staðaldri ættu að koma á stofu til læknis í eftirlit a.m.k. árlega. 

  • Mikilvægt er fyrir sjúklinga að verða ekki lyfjalausir og því best að fá lyf endurnýjuð 3-4 dögum áður en síðasti skammtur er búinn.  

Símatímar vegna endurnýjunar lyfja  

 HSN Akureyri:  Alla virka daga í síma 432-4603 kl. 9 - 10:30.

HSN Blönduós: Símatími hjúkrunarfræðinga 455-4110 alla virka daga kl. 13:00-14:00 

HSN Dalvík: Alla virka daga í síma 432-4400 

HSN Fjallabyggð: Alla virka daga í síma 4602100 og 4664050 

HSN Húsavík: Símatími hjúkrunarfræðinga 464-0500 alla virka daga kl. 09.00-10.00 

HSN Sauðárkrókur: Símatími hjúkrunarfræðinga 432-4203 alla virka daga kl. 08:30-09:30.