Fyrirkomulag heimsókna á hjúkrunar- og sjúkradeildum HSN

Eftirfarandi heimsóknarreglur gilda:

  • Opið er fyrir heimsóknir og tveir gestir geta komið í einu í heimsókn til íbúa hvern dag. Börn yngri en 18 ára eru velkomin og teljast þau þá annar af þessum tveimur gestum. Gestir mega ekki dvelja í almennum rýmum, heldur eingöngu inni hjá íbúa.
  • Íbúum er nú heimilt að fara í bíltúr, göngutúr, heimsóknir og fjölskylduboð, en þurfa að gæta sérstaklega að sóttvörnum þegar þeir koma til baka inn á heimilið, þar sem hver sem er getur borið með sér smit þó að viðkomandi hafi verið bólusettur. Nú eru 150 manna fjöldatakmarkanir í gildi í samfélaginu, en mælst er eindregið til að íbúar fari ekki í heimsókn í svo stóra hópa.
  • Gestir eru beðnir um að sinna eigin sóttvörnum í hvívetna. Fólk sem kemur erlendis frá verður að hafa lokið sóttkví og neikvæð niðurstaða seinni sýnatöku þarf að liggja fyrir. Gott er að láta 3 daga líða til viðbótar áður en komið er inn á hjúkrunarheimili.

 

Munið að spritta hendur við komu og áður en þið yfirgefið heimilið.

-  Allir gestir þurfa að koma með andlitsgrímu (maska). Óheimilt er að koma með taugrímu.

-  Vinsamlega hafið grímuna á ykkur allan tímann á meðan heimsókn stendur.

-  Vinsamlega farið beint inn á herbergi íbúa, ekki stoppa og spjalla á leiðinni. Ef íbúi er ekki inni á herbergi þá biðjið þið starfsfólk að sækja hann, ekki gera það sjálf.

-  Virðið 2ja metra regluna og forðist snertingu við íbúa.

 

Vinsamlega EKKI koma í heimsókn ef:

  • Þú ert í sóttkví eða einangrun.
  • Þú bíður eftir niðurstöðu úr sýnatöku.
  • Þú ert með flensulík einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).
  • Þú varst erlendis og hefur ekki fengið neikvæða niðurstöðu úr seinni sýnatöku.

 

Við minnum á að baráttunni við faraldurinn er ekki lokið og biðlum til fólks að virða sóttvarnareglur til að koma í veg fyrir að smit berist inn á heimilin. 

Framkvæmdarstjórn