Lokað fyrir áður opna tíma í endurhæfingu á HSN Sauðárkróki vegna neyðarstigs almannavarna

Í ljósi neyðarstigs almannavarna vegna COVID-19 hefur viðbragðsstjórn HSN Sauðárkróki tekið þá ákvörðun að loka áður opnum tímum í æfingarsal og sundlaug endurhæfingar stofnunarinnar. Er þetta gert til að draga úr smithættu þeirra sem nýta sér þjónustuna og starfsfólks endurhæfingar. Sjúkraþjálfarar eru enn með móttöku og sinna endurhæfingu sjúklinga á sjúkradeild og hjúkrunardeildum en þó með breyttu sniði vegna neyðarstigs almannavarna.

Við minnum eftir sem áður á mikilvægi hreyfingar og bendum á að hægt er að finna fræðsluefni og kennslumyndbönd hér: https://www.landlaeknir.is/heilsa-og-lidan/hreyfing/fullordnir/