Öskudagur 2021

Heilbrigðisstofnun Norðurlands getur því miður ekki tekið á móti börnum á starfsstöðvum sínum í tilefni öskudagsins í ár. Er það vegna þeirra sóttvarnaráðstafana sem nú eru í gildi.

Á heimasíðunni www.covid.is eru eftirfarandi hugmyndir settar fram um öðruvísi öskudag.

 

Hugmyndir á farsóttartímum á öðruvísi öskudegi!

Gerum okkur dagamun í nærumhverfinu

Höldum upp á daginn á heimavelli, í skólanum, frístundaheimilinu eða félagsmiðstöðinni.

Mætum í búningum

Brjótum upp á hversdagsleikann með því  að mæta öll í búningum. Ungir sem aldnir.

Endurvekjum gamlar hefðir

Nú er tækifæri að endurvekja gamlar öskudagshefðir eins og að búa til öskudagspoka og slá köttinn úr tunnunni. Með sóttvarnir í huga að sjálfsögðu.

Syngjum fyrir sælgæti

Ef hefð er fyrir því að ganga á milli húsa eða fyrirtækja í hverfinu væri upplagt að foreldrafélög tækju upp á sína arma að halda utan um hvar sé hægt að koma og syngja fyrir nammi. Athugið að gæta fyllstu sóttvarna og gefið aðeins sérinnpakkað sælgæti.