Skóflustunga tekinn að nýju hjúkrunarheimili á Húsavík.

Skóflustunga tekinn að nýju hjúkrunarheimili á Húsavík.

Í gær var tekin fyrsta skóflustungan að nýju og glæsilegu hjúkrunarheimili á Húsavík. Það gerði Aldey Unnar Traustadóttir forseti sveitarstjórnar Norðurþings, hjúkrunarfræðingur hjá HSN og notaði hún til verksins beltagröfu. Mun heimilið standa í hlíðinni fyrir ofan sjúkrahús HSN með frábært útsýni yfir bæinn. Á vef Framkvæmdasýslunar – Ríkiseigan stendur; 

„Skipulag sambýliseininga styður við heimilisbrag með vistlegum einkarýmum fyrir hvern íbúa sem snúa flest að bænum og frábæru útsýni yfir Skjálfanda og Kinnarfjöll. Starfsaðstaða er mjög góð þar sem þjónusturými eru miðlæg og vegalengdir stuttar innan hverrar deildar. Heimiliseiningar eru allar jafnstórar og hönnun þeirra auðveldar mönnun og flæði milli þeirra, þ.m.t. yfirsýn yfir heimilið í heild og starfsfólk nýtist m.a. betur á nóttunni. Heimilið er bjart, auðvelt aðgengi er út undir bert loft frá setustofum til að njóta útsýnis og veðurs og tilhögun einkarýma gerir auðvelt fyrir íbúa að rata í herbergi sín.“ sjá nánar hér.

Heim­ilið verður alls 4.400 fer­metr­ar að stærð. Ríkið greiðir 85% af fram­kvæmda­kostnaði við bygg­ing­una, en sveit­ar­fé­lög­in Norðurþing, Þing­eyj­ar­sveit, Skútustaðahrepp­ur og Tjör­nes­hrepp­ur það sem upp á vant­ar. Áætlaður kostnaður er um þrír millj­arðar.

Óhætt er að segja að hér sé um risaframfaraskref í heilbrigðisþjónustu á svæðinu að ræða sem ber að fagna.