Fréttir

Vinna við stefnumótun Heilbrigðisstofnunar Norðurlands stendur nú yfir undir styrkri leiðsögn Guðrúnar Ragnarsdóttur, ráðgjafa hjá Strategíu, þar sem framtíðarsýn HSN til 2025 og áherslur næstu þriggja ára verða skilgreindar.

Stórum áfanga er náð í málefnum heilsugæslunnar á Akureyri en Svandís Svavarsdóttir heilbrigðisráðherra hefur ákveðið að gert verði ráð fyrir tveimur starfsstöðvum heilsugæslu í Akureyrarbæ, auglýst verði eftir húsnæði fyrir stöðvarnar í byrjun næsta árs.

Auknir fjármunir til Heilbrigðisstofnunar Norðurlands og heilbrigðisumdæmis höfuðborgarsvæðisins.

Svandís Svavarsdóttir heilbrigðisráðherra hefur fallist á tillögu stjórnenda Heilbrigðisstofnunar Norðurlands (HSN) um að koma á fót aðstöðu með allt að fjórum rýmum til almennrar endurhæfingar við starfsstöð stofnunarinnar á Sauðárkróki.

Sjálfsafgreiðslustandur við móttöku HSN á Húsavík er góð viðbót við þjónustuna en þar skrá skjólstæðingar sig sjálfir inn, staðfesta komu og greiða komugjald þar sem það á við.

Staða yfirhjúkrunarfræðings svæðis á HSN Akureyri var auglýst laus til umsóknar þann 7. ágúst 2019. Umsóknarfrestur rann út þann 9. september sl. Alls voru fjórir sem sóttu um starfið. Inga Berglind Birgisdóttir hefur verið ráðin í starfið.

Nýju fyrirkomulagi ætlað að efla þjónustu við skjólstæðinga.

„Er gott að eldast á Norðurlandi / Akureyri“ er yfirskrift málþings um öldrunarmál sem verður haldið í hátíðarsal Háskólans á Akureyri 10. október.

Ársfundur Heilbrigðisstofnunar Norðurlands (HSN) var haldinn í Hofi föstudaginn 20. september, 2019. Helstu niðurstöður rekstrarársins 2018 eru þær að stofnunin var rekin með 126 milljóna afgangi á árinu. Rekja má afganginn til sérstakrar aukafjárveitingar sem heilbrigðisstofnanir fengu á árinu 2018. Rekstur stofnunarinnar er fyrstu 8 mánuði ársins 2019 samkvæmt áætlun en stefnt er á að stofnunin verði rekinn með 30 milljóna halla á árinu 2019.