Fréttir

Ársfundur HSN verður haldinn í Menningarhúsinu Hofi á Akureyri, föstudaginn 20. september kl. 14.

Afrakstur nytjamarkaðar gefinn Styrktarfélagi Heilbrigðisstofnunar Þingeyinga á Húsavík

Mánudaginn 26. ágúst 2019 var formleg móttaka á höfðinglegum gjöfum sem HSN Sauðárkróki hefur fengið frá Minningarsjóði Sigurlaugar Gunnarsdóttur frá Ási á tímabilinu janúar til ágúst 2019. Heildarverð gjafanna er 10.717.099 m.vsk. Í stjórn Minningarsjóðsins eru þau Örn Ragnarsson formaður, Ásta Ólöf Jónsdóttir gjaldkeri og Elín H. Sæmundardóttir ritari. Auk þeirra mættu Engilráð M. Sigurðardóttir fyrrverandi gjaldkeri og Björg Baldursdóttir formaður Sambands Skagfirskra kvenna (SSK). Herdís Klausen yfirhjúkrunarfræðingur veitti gjöfunum viðtöku fyrir hönd HSN.

Framsýn stéttarfélag hefur ákveðið að færa Styrktarfélagi Heilbrigðisstofnunar Þingeyinga á Húsavík tvær milljónir króna til tækjakaupa til minningar um Kristján Ásgeirsson fyrrverandi formann Verkalýðsfélags Húsavíkur, nú Framsýnar stéttarfélag.

Skemmtilegt viðtal var við Unnstein Júlíusson yfirlækni hjá HSN á Húsavík í morgunútvarpi Rásar 2, mánudaginn 8. júlí þar sem hann fer yfir kosti þess að búa og starfa á landsbyggðinni.

Störf yfirhjúkrunarfræðings svæðis og yfirhjúkrunarfræðings heilsugæslu á HSN Sauðárkróki voru auglýst laus til umsóknar þann 29. maí sl. Umsóknarfrestur rann út þann 20. júní sl.

Sóttvarnalæknir undirbýr nú að hefja almenna bólusetningu við hlaupabólu árið 2020. Hún verður í boði endurgjaldslaust fyrir öll börn fædd 1. janúar 2019 eða síðar. Bóluefnið er ekki fáanlegt sem stendur en þeim sem nú þegar eru að bíða eftir því er bent á að tilkynnt verður hér á heimasíðu HSN þegar það kemur.

Sérnám í heilsugæsluhjúkrun er 60 eininga diplómanám og er samstarfsverkefni milli Heilbrigðisstofnunar Norðurlands, Háskólans á Akureyri og Heilsugæslu höfuðborgarsvæðisins. Berglind Ragnarsdóttir og Kristey Þráinsdóttir hafa verið ráðnar í sérnámsstöður í heilsugæsluhjúkrun við HSN frá hausti 2019. Þær eru báðar starfsmenn HSN Húsavík.

Heilbrigðisstefna – stefna fyrir íslenska heilbrigðisþjónustu til ársins 2030 var samþykkt á Alþingi 3. júní síðastliðinn. Þetta eru mikilvæg tímamót fyrir heilbrigðisþjónustuna í landinu.