Hertar heimsóknarreglur á deildum I og II á Sauðárkróki

Ágæti aðstandandi

Þar sem COVID-19 smitum fer fjölgandi í samfélaginu er nauðsynlegt að bregðast við til að vernda okkar viðkvæma hóp íbúa og sjúklinga. Frá og með 10. október 2020 verða heimsóknarreglur hertar.

Vinsamlega kynnið ykkur vel eftirfarandi heimsóknarreglur:

  1. Aðeins einn gestur má heimsækja hvern íbúa tvisvar í viku á fyrir fram ákveðnum heimsóknartíma hverrar deildar í samráði við deildarstjóra. Við óskum eftir því að sá hinn sami sé nánast í sjálfskipaðri sóttkví og passi sig sérstaklega.
  2. Hafið samband í síma 4324250 og pantið heimsóknartíma hjá hjúkrunarfræðing.
  3. Við komu hringið dyrasíma í anddyri (einnig á dagvinnu tíma) og hinkrið eftir starfsmanni á tilgreindum inngöngustað  hann fylgir ykkur til íbúa. Munið eftir að koma með grímu, þvo og/eða spritta hendur áður en heimsókn hefst og að henni lokinni. Ekki koma við neitt í almannarýmum, farið beint inn til íbúa og beint út aftur.
  4. Athugið að heimsóknin er til ættingja þíns, staldrið ekki við til að ræða við aðra íbúa, ættingja eða starfsfólk.
  5. Virðið 2ja metra regluna og forðist snertingu við íbúa eins og hægt er.
  6. Ekki panta heimsóknartíma og alls ekki koma í heimsókn ef:
    1. Þú ert að koma frá höfuðborgarsvæðinu og ekki eru liðnir 7 dagar frá komu þaðan.
    2. Þú ert í sóttkví.
    3. Þú ert í einangrun eða að bíða eftir niðurstöðu úr sýnatöku.
    4. Þú hefur verið í einangrun og ekki eru liðnir 14 dagar frá útskrift.
    5. Þú ert með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).

 

Íris Sveinbjörnsdóttir deildarstjóri deild I og II