Mislingabólusetning á Sauðárkróki

Heilsugæslustöðin á Sauðárkróki mun í samræmi við ráðleggingar sóttvarnarlæknis bjóða öllum óbóluset…
Heilsugæslustöðin á Sauðárkróki mun í samræmi við ráðleggingar sóttvarnarlæknis bjóða öllum óbólusettum börnum, eldri en 12 mánaða (ekki 6-12 mánaða), upp á bólusetningu á þriðjudaginn 19.mars og fimmtudaginn 21. mars.

Heilsugæslustöðin á Sauðárkróki (HSN-Sauðárkróki) mun í samræmi við ráðleggingar sóttvarnarlæknis bjóða öllum óbólusettum börnum, eldri en 12 mánaða (ekki 6-12 mánaða), upp á bólusetningu á þriðjudaginn 19.mars og fimmtudaginn 21. mars.

Fullorðnum óbólusettum einstaklingum fæddum eftir 1970 verður boðið síðar í bólusetningu, líklega eftir helgi þegar við fáum meira bóluefni.

Fyrirkomulagið verður eftirfarandi:

Þriðjudagur 19. mars frá kl. 14:00 til 16:00

Fimmtudagur 21. mars frá kl. 14:00 til 16:00

Samkvæmt fyrirmælum sóttvarnarlæknis munum við ekki bjóða upp á bólusetningu að þessu sinni fyrir börn 6-12 mánaða óháð því hvort ferðalög séu fyrir höndum nema í þeim undantekningartilfellum ef ferðast er til landa þar sem tíðni mislinga er há (Madagaskar, Úkraína, Indland, Brasilía, Filipseyjar, Venesúela, Taíland, Pakistan, Yemen og Ísrael ). En þá þarf endurbólusetningu við 18 mánaða aldur.

Eingöngu er verið í þessari lotu að bólusetja börn í forgangshópum:

1.      Allir einstaklingar eldri en 12 mánaða til 18 ára sem ekki hafa verið bólusettir

2.      Börn sem eru með sögu um eina bólusetningu eru ekki í forgangi. Hægt verður að bjóða þeim bólusetningu síðar.

3.      Eins og áður hefur verið eru þeir einstaklingar einnig í forgangi sem útsettir hafa verið fyrir mislingasmiti ásamt þeirra nánasta umgangshópi.

4.   Einstaklingar á leið til útlanda eru ekki í forgangshópi nema í þeim undantekningum ef fólk er á leið til Madagaskar, Úkraínu, Indlands, Brasilíu, Filipseyja, Venesúela, Taílands, Pakistan, Yemen og Ísraels.

Með ofangreindum tilmælum er ekki verið að breyta almennum bólusetningum á Íslandi.
Reglubundnar bólusetningar gegn mislingum eru áfram við 18 mánaða aldur og seinni sprauta við 12 ára aldur.

Ekki má bólusetja barnshafandi konur eða ónæmisbælda með MMR. Rétt er að árétta að staðfest eggjaofnæmi er ekki frábending gegn bólusetningu nema ef viðkomandi er með sögu um lífshættuleg ofnæmisviðbrögð.

Algengar spurningar

Hvernig veit ég hvort ég hafi fengið bólusetningu?

Þeir sem eru fæddir eftir 1975 eru líklegast bólusettir nema foreldrar þeirra hafi hafnað bólusetningu.

Allir fengu bólusetningarskírteini sem oft eru til í fórum foreldra þeirra.
Ef bólusetning er skráð í kringum 12 ára aldur er það líklegast mislingabóluseting.

Hægt er að sjá bólusetningar sem gefnar voru eftir að farið var að skrá bólusetningar í rafrænan bólusetningagrunn inn á mínum síðum Heilsuvera.is eða á island.is

Þeir sem ekki eru vissir með þetta geta fengið bólusetningu.