Tilslakanir á heimsóknarbanni á HSN Sauðárkróki

Ágæti aðstandandi

Leyfilegur fjöldi heimsókna verður aukinn í skrefum út maí og stefnt að enn frekari tilslökunum þann 2. júní nk. ef allt gengur vel.

Vikuna 18.-24. maí verða leyfðar tvær heimsóknir og vikuna 25. maí-1. júní verða leyfðar þrjár heimsóknir.

Tveggja metra nándarmörkum á milli íbúa og aðstandenda verður aflétt frá og með deginum í dag og íbúum verður heimilt að fara í gönguferðir út með sínum nánustu. Mörkin gilda áfram á milli gesta og annarra íbúa sem og starfsfólks hjúkrunarheimilis.

Vinsamlega kynnið ykkur vel eftirfarandi heimsóknarreglur: 

1.      Ekki panta heimsóknartíma og alls ekki koma í heimsókn ef:

  • Þú ert í sóttkví
  • Þú ert í einangrun eða að bíða eftir niðurstöðu úr sýnatöku
  • Þú hefur verið í einangrun og ekki eru liðnir 14 dagar frá útskrift.
  • Þú ert með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).

2. Heimsóknartími er frá kl. 16:00-18:00 og 19:30-20:30 alla daga.

3. Hafið samband í síma 432-4222 milli klukkan 14.00-15.30 á virkum dögum og pantið heimsóknartíma á deild I og II

    Eða í síma 432-4223 milli klukkan 14.00-15.30 á virkum dögum ogpantið heimsóknartíma á deild III, V og VI

4. Við hvetjum ykkur til að hlaða niður í símana ykkar smitrakningarappi almannavarna Rakning C-19.

5. Hinkrið eftir starfsmanni við aðalinngang sjúkrahússins fyrir deild I og II, eða hinkrið eftir starfsmanni í anddyri dvalarheimilis fyrir deild III, V og VI, hringið á viðkomandi deild til að tilkynna komu ykkar og þið fáið fylgd til íbúa. Munið  að þvo og/eða spritta hendur áður en heimsókn hefst og að henni lokinni. Ekki koma við neitt í almannarýmum, farið beint inn til íbúa og beint út aftur.

6. Athugið að heimsóknin er til ættingja þíns, staldrið ekki við til að ræða við aðra íbúa, ættingja eða starfsfólk.

7. Almennt er ekki gert ráð fyrir að börn og ungmenni (yngri en 14 ára) komi í heimsókn. Börn (14-18 ára) geta komið í heimsókn ef þau eru nánasti aðstandandi og koma þá einsömul.

ATHUGIÐ: Ef smit vegna COVID-19 aukast aftur, eða smit vegna annarra smitsjúkdóma, munu tilslakanir á heimsóknarbanni ganga til baka og reglur verða hertar á ný.