Hreyfiseðill

Fanney hreyfiseðill Skr.

Hreyfiseðill er meðferðarúrræði þar sem læknir ávísar hreyfingu sem meðferð eða hluta af meðferð við þeim sjúkdómum eða sjúkdómseinkennum sem verið er að fást við eftir að hafa metið einkenni og ástand skjólstæðings. Læknir vísar skjólstæðingnum áfram til hreyfistjóra Hreyfiseðilsins (sjúkraþjálfari) sem hefur aðsetur á Heilsugæslustöðinni. Í komunni til hans eru möguleikar og geta til hreyfingar ræddir og metnir í sameiningu. Sett eru fram markmið og útbúin hreyfiáætlun sem byggir á fagþekkingu. Auk þess er 6 mínútna göngupróf framkvæmt og kennt hvernig skráning á hreyfingu er háttað. Skráning er þá í höndum skjólstæðings og eftirfylgnin í höndum hreyfistjóra og læknis. Hreyfistjórinn fylgist reglulega með framvindu og gangi mála og læknirinn ákveður endurkomu til sín við útgáfu hreyfiseðilsins.

Marga lífsstílssjúkdóma má rekja til hreyfingarleysis. Umfangsmikil vísindaleg þekking er fyrir jákvæðum áhrifum hreyfingar á hina ýmsu sjúkdóma. Líkamskerfi okkar er gert fyrir hreyfingu.

Hreyfistjóri HSN á Sauðárkróki er Fanney Ísfold Karlsdóttir

Mótttaka á Heilsugæslunni er á miðvikudögum kl. 10.00 – 12.00.